Yedashe kahdohnak ah SAC lei a thi mi an tam, PDF 1 a nunnak a liam
The Chinland Post | 2023 — Bago ramṭhen, Yedashe peng ah SAC ralkap le mipi hriamtlai phu hna karlak ah nihnih chung kahdohnak a chuak i ralbawi 3 telh in ralkap 40 an thi tiah Bago Region PDF sin in thawng theih a si.
January 16 zaan sml 6:00pm hrawng ah thazang 100 hrawng SAC ralkap cu Nacat tlang lei an kal lio ah mipi hriamtlai phufonh nih bomrap an puah hnawh hna caah ralkap 2 nak tlawm lo an thi i 6 an i hliam tiah theih a si.
January 17 zinglei sml 5:00am hrawng ah SAC ralkap pawl Nacat tlang in Watpoh lam an zulh lio ah mipi hriamtlai phu nih bomrap an puah hnawh ṭhan hna i mins 20 hrawng kahdohnak a chuak.
Chun sml 12:00pm hrawng ah SAC ralkap le mipi hriamtlai phu hna karlak ah sml 1 leng kahdohnak a chuak ṭhan tiah theih a si.
Kahdohnak chung ah PDF B3501, Company 4 le adang mipi hriamtlai phu hna bawm in SAC ralkap voi 3 an kah hna i ralbawi 3 telh in SAC ralkap 40 an thi, PDF 1 a nunnak a liam i a thi mi SAC ralkap pawl cu mawṭaw in an rak lak hna tiah theih a si.
About The Author
