Yesagyo ah SAC Infantry 258 in mawṭaw 3 bom an puah hnawh hna i 2 a rawk
The Chinland Post | 2023 February 24 — Magway ramṭhen, Yesagyo peng, Infantry 258 in mawṭaw 3 in a rak chuak mi SAC ralkap pawl cu bomrap an puah hnawh hna i mawṭaw 2 a rawk tiah Yesagyo peng PDF nih an thanh.
February 23 chun sml 1:30pm hrawng ah SAC Infantry 258 chung in mawṭaw 3 cu Yesagyo khuachung lei ah a rak chuah lio ah Yesagyo peng PDF phu pawl nih bomrap lung 3 fonh in voi 2 an puah hnawh hna caah mawṭaw 2 cu a hmun ah a rawk tiah theih a si.
Mipi hriamtlai phu pawl zong him tein an kir kho tiah theih a si.
Hmanthlak – TNLA nih SAC ralkap mawṭaw an rak hrawh mi (hmanthlak hlun)
About The Author
