Yesagyo, Zeetaw, Myaing le Watungai khua hna a khangtu SAC ralkap an kah hna, ralbawi telh in 10 an thi
The Chinland Post | 2022 October 14 – Magway ramṭhen, Yesagyo peng Zeetaw khua a khangtu SAC ralkap pawl bomrap an puah hnawh hna i SAC ralbawi 1 telh in 7 an thi tiah Seven Stars YS phu sin in thawng theih a si.
SAC ralkap pawl nih Yesagyo peng Zeetaw khua cu October 13 chun sml 3:00pm hrawng ah an khangh i mipi hriamtlai phu pawl nih khua in an chuah kha an hngah hna i bomrap an puah hnawh hna caah SAC ralbawi 1 telh in 7 an thi tiah theih a si.
Cu bantuk in Magway ramṭhen, Myaing peng, Watungpin khua a khangtu SAC ralkap le mipi hriamtlai phu hna karlak ah kahdohnak a chuak i SAC ralkap 3 an thi, 7 an i hliam tiah PDF sin in theih a si.
Cu SAC ralkap pawl cu MRGF, Myaing, Pakokku, Yesagyo peng 3 phufonh nih hriamngan, hriamhme le Drone in an doh hna tiah Myaing PDF nih a thanh.
About The Author
