Hakha Peng Ah Chin Hriamtlai Phu Mawṭaw A Puah Caah Hngakchia 2 An Thi
The Chinland Post | 2024 March 11 — Chin ramkulh, Hakha peng, Buanlung khua, March 10 ah CDF-Senthang mawṭaw cung ah hngakchia pawl an kai i an i tuai hnu ah bom a puah caah hngakchia 2 an thi i adang hngakchia 2 an i hliam tiah thawng theih a si.
CDF-Senthang mawṭaw 1 cu Buanlung khua, March 10 zaanlei sml 4:00pm hrawng ah a rak phan i cu mawṭaw cung ah hngakchia 2 an kai i lente an i celh hnu ah bom a puah hi a si tiah thawng theih a si.
Bom puah ruang ah a thi mi hngakchia hna hi Pa Ṭha Bik Thawng (kum 7) le Pa Van Biak Cung (kum 13) hna an si tiah theih a si.