May 21, 2024

2017 Kum 7Day Hero Award Cu Aung La Nsang Telh In Minung 5 Nih An Co

0

City Hunter| 2018 March 8| 2017 kum caah 7Day Hero award cu March 7 ah tuahmi 7Day Journal kum 16 tlin camtuak ah an pek hna i One Championship- MNA zuamnak phunhnih ningte in champion a cotu Aung La Nsang telh in minung 5 nih an co.

“Hi minthatnak laksawng cu thapetu mizapi caah a si. Thapetu mizapi um lo in cun hi dirhmun a phan kho hnga lo. Champion zong a co hnga lo. Nihin ah a comi laksawng cu a herhmi hmunhma ah a hlut lai” tiah Aung La Nsang aiawh in laksawng peknak ah a kaimi Aung La Nsang manager Ko Phung Kyaw Moe nih a chim.

2017 kum 7Day Hero award cotu hna

Cu pin ah kum 34 a simi Mah Thida Oo nih a dikfelmi ralthatnak 7Day Hero laksawng a co. Islam biaknak chungtel a simi Mah Thida Oo cu 2017 November thla ah a umnak deuthlaam pawng i tikhor ah a tlami ngakchia kum 5 a chanhchuah. Cuti a chanhchuahnak ruang ah a pawimi fate aa rawk. Ti a tlami pa fa hna lakah hringtu a pa cu ti a tlaknak in a chuak ti lo. A fa te lawng ka chanh khawh tiah Mah Thida Oo nih a chim.

“Ngakchia te ti a tlak lio ah fa pawi maw ti a ruahnak kaa hngal lo, a nunnak chanhchuah lawng bak kha ka ruah khawhmi a si. Cu tikah thla ka cammi cu ka pathian keimah na ka khamh lo zong ah ti a tlami ngakchia hi khamh ko” ti in thla ka cam tiah a chimchih.

Mah Thida Oo bantuk in mah nunnak biapi ah chia lo in midang nunchanh le khamhnak in a nunnak a sungmi Hmawbi peng in a thi cangmi siangcachim sayamah Daw Taan Taan Wai zong Midang aiawh nunthaptu ti in 7Day Hero award a co.

Ramkhel thongtla pawl mah chungkhar bantuk in sii ai a thlopbultu Dr. Khin Taan Aye cu ramkhel thongtla hna zohkhenhtu laksawng an pek. 2017 kum Mongolia ram ah tuahmi vawleicung bantha zuamnak ah Myanmar ram caah pakhatnak laksawng cotu Ko Htun Htun Aung zong a si kho lomi zeihmanh um lo ti in tette in a langhter khotu laksawng an pek ve.
Ref: Duwun

About The Author

Na ruahning rak langhter ve.. (Leave a comment)

%d bloggers like this: