2023 cu “National Building” kum siseh tiah CJDC Chairman nih a chim
The Chinland Post | 2023 January 3 – Chin miphun vialte hna caah 2023 hi a biapi tuk mi caan ah kan luh bantuk in “National Building” kum siseh tiah CJDC Chairman Salai Thla Hei nih kumthar donnak cathanh cu January 1 ah a chuah.
National Building ti mi tlangtar in Chin miphun dothlennak ṭhawnter chin ding le mipi hna nih mah le hmunhma, peng ca lawng ruat lo in miphun caah lungrual tein thazang chuah cio ding in forhfialnak a chim.
2022 kum chung vialte Chin miphun dothlennak chung ah aa tel mi hriamtlai pawl le CJDC chungtel vialte sin ah chawva in siseh, mah le rian khinhnak hmunhma cio in rian a ṭuan mi nan zapi te upatnak kan in pek hna i hmailei zong ah rian i khinh rih ding in forhfialnak rih kan duh hna tiah a langhter.
Atu bantuk in a biapi tuk mi caan ah hmunhma kip ah a um mi Chin zatlang in rianngeitu pawl, bu kip in rianngeitu pawl, biaknak lei he pehtlai in rianngeitu pawl zong miphun pi dothlennak chung ah i bawm cio ding in nawlnak zong a ṭial chih.
About The Author
