Miphun pakhat, peng pakhat caah si lo in tlangcung miphun vialte caah raldohnak kan ṭhawnter chin lai tiah CDF-Mindat nih a thanh
The Chinland Post | 2023 January 3 – Miphun pakhat, Peng pakhat ca lawng zalonnak si lo in tlangcung miphun vialte hramhram uknak tang in kan luat tiag ral kan doh lai tiah CDF-Mindat nih a thanh.
January 1 ah mipi sin nawlnak he fonh chih in atu bantuk in a thanh hi a si.
SAC hruaitu Min Aung Hliang le a hawikom phu pawl nih hriamnam thazang bochan in mipi pawl phungning lo in thong a thlak hna tiah a langhter.
CDF-Mindat le Mindat mipi pawl nih dothlennak chung i a har bik, a hrang bik kum 2 cu lung ṭhawng tein kan lonh khawh cang i 2023 hi hramhram uknak a dih kum a si lai ti mi ruahchannak he dothlennak thazang kan ṭhawn ter chin lai tiah mipi sin ah biakamnak an tuah fawn.
About The Author
