A Mah Lawng Lunglennak He A Um Mi North-Eastern Command”
Salai Mangpau
North Eastern command umnak Lashio khua le Tuluk ramri Muse khua dah ti lo cun adang peng vialte hi mipi ralkap nih penak tang ah an um dih cang. Lashio-Pyin Oo Lwin karlak Kyaukme, Nawngcho khua ah kahdohnak a um lio a si caah Lashio khua hi amah lawng um mi dirhmun ah a um lio a si cang.
Lashio cu Mineye le Htangyan hi pehzulh in kahdohnak bawm kho ding in WA ram lei in kal a hauh caah WA nih amah ram chung SAC pawl umkal ter a duh lai lo. Cun WA ralkap nih Mineyee le Tangyan a hnu lei SinhKyunh Mangpan Pyituhsih umnak ram ah an kal um kho ahcun a rauh hlan ah mah peng 2 cu a sungpek hau lai.
Lashio cu vanlawng kah bawmhnak Air Supply dah ti lo cun ke ralkap kalnak lam hrim a um ti lo. Cucaah ramchung tuanbia ah Lashio hrambunh North Eastern command pi cu a pahnihnak a sungpek ding mi Command Headquarter a si lai hi tuanbia pakhat a si than lai.
A pakhatnak Command Headquarter a thlaknak cu 1949 kum Mandalay over run a si mi Meiktila khua cu hnu pil in Northern command Headquarters pi KIO ralkap nih an rak lak I commander Lieutenant colonel Maung Maung an rak tlaih. Cucaah SAC lei in thimnak lam option 2 a um.
SAC lei nih Lashio command Headquarters a lak zawt lo ahcun dohthlennak bu pawl nih a ram ah hling bantuk in a um peng lai caah hnulei in aa tonghter lai maw asilole Lashio um ralkap vialte Nawngcho Kyaukme lam lei in hnu pil in Pyin Oo Lwin ralkap hunhimnak he aa fonh te lai maw, mah lawng a lam a um cang. Pyin Oo Lwin a sungh ahcun Myanmar ram hmunlai ah umnak Central Command umnak Mandalay lei ah mipi ralkap nih dawnkhan tu um lo in lutnak lampi pakhat cu a mah te in ai awng ding a si ko lai.
Nihin Myanmar ram chung ah North-Western Command (အနောက်မြောက်တိုင်းစစ်ဌာနချုပ်) Monywa hrambunh, Southern Command (တောင်ပိုင်းတိုင်းစစ်ဌာနချုပ်) Toungoo hrambunh, South-eastern Command (အရှေ့တောင်တိုင်းစစ်ဌာနချုပ်) Mawlamyine hrambunh, North-Eastern Command (အရှေ့မြောက်ပိုင်းတိုင်းစစ်ဌာနချုပ်) Lashio hrambunh le Central Command Mandalay hrambunh cu mipi ralkap lei nih an kah pah lengmang tiah theih a si.
Cherhchan: PDF Insight
About The Author
