SAC Cu Phihkkhar A Zizut In ICC Zung Ah Chuahpi Ding In HRW Nih Nawl Halnak A Tuah
The Chinlandpost | January 14, 2024 — Ramchung mipi ah vanlawng in bomthlak kahdohnak a tuah mi a zual chin ruang ah SAC cu UN Security Council nih phihkhar a zizut ding le International Criminal Court ICC ah an tuahsernak vialte chuah pi in biaceih ding in Human Rights Watch (HRW) bu nih nawl halnak a tuah.
January 12, Bangkok ah tuah mi HRW bu 2024 kum Asia Human Right Watch ah Director Phil Robertson nih a phuan i United Nation Security Council nih International Criminal Court ah chuahpi ding in report a pek.
Philson nih “2021 kum SAC nih uknak a lak hnu ah phunning lo in vanlawng kahnak a tuah mi hi SAC nih nuhrin covo nawl a buar mi hmuh khawh a si. Vawlei cung cozah kip nih SAC cu phihkarnak fak deuh in tuah in UN Security Council nih Myanmar ah hriamnam zuar mi vialte phih vir ding, Cun ICC ah SAC kong chuahpi ding” tiah a chim.
A chim mi ah Myanmar ram ah SAC nih nuhrin covo a buar mi le mipi sin ah bomthlaknak hi 2023 kum April thla tiang ah mipi 160 leng an thi i, Sagaing ram bomthlaknak ah Chemical Weapon a hman mi hi tih nung mi a si tiah a ti.
Chaklei Shan ram kahdohnak ah vanlawng le miakpi he mipi a kah, US le EU nih Myanmar ah hriamnam zuar lo ding in phihkarnak hnatlak pi a si nain UN Security hrim mah phunlam ning tein phihkharnak a tuah mi a tlawm ko tiah Philson nih a chim chap.
Sihmahsehlaw UN Security Council ah Russia le Tuluk nih Myanmar SAC cu a zizutnak ah veto power hmang in Myanmar lei a dir lpi ruang ah a zizutnak ding ah lam har ngai a si.
Myanmar ram ah ramkhel thongtla zohkhenh mi bu thawngthanhnak ah SAC nih uknak a lak hnu ramchung mipi 4,335 leng an thi cang tiah theih a si.
About The Author
