A Nisarihnak Tiang Result; Quarter Final Kai Ding Phuli An I Fiang Cang

City Hunter| 2018 May 30| May 22 in thawkmi Hakha Khrihfabu kip pumpululh chuih zuamnak cu a nisarihnak tiang ah puai 13 an chuih cang. Phuli cu quarter final chuih ding ah group in an awng cang. Phuhnih cu an chuih dingmi puai a dih hlan ah group in an tla cang. A nisarihnak tiang result le ahodah quarter final a kai cang, aho dah group in a tla cang, aho dah quarter final a kai kho ding dirhmun a phan cang timi The Chinland Post nih epchunhnak kan hun langhter.

May 22
Free Methodist Church 8-1 Hniarlawn
May 23
Gospel 3-0 MEC
Grace 2-2 MBC
May 24
UPC 0-0 AG
Believer 2-1 Olive UPC
May 25
SBC 2-0 RC
Calvary 4-1 Chuncung
May 26
FMC 6-3 Olive UPC
Gospel 2-1 AG
May 28
CJC 0-4 SBC
Calvary 2-2 Grace
May 29
UPC 2-1 MEC
Hnairlawn 0-1 BCM

Quarter Final Chuih Ding Ah Group In A Awng Cangmi Hna Cu;
Group A ah FMC (Free Methodist Church) le BCM (Believer) an kai cang. Anmah pahnih hi May 31 ah an chuih lai i aa teimi paoh Group A in pakhatnak a si lai i a sungmi paoh Group A in pahnihnak a si lai.

Group B in Gospel an kai cang. UPC he May 31 ah voikhat an chuih rih lai i an i tluk ah siseh, an sungh zong ah Gospel cu an kai cang.

Group C in SBC (Senthang Baptist Church) hi an kai ve cang. May 30 (tu zanlei) ah CJC le RC an chuih lai i a awngmi paoh quarter final a kai ve lai.

Group D hi cu quarter final a kai dingmi an i fiang taktak rih lo. Tuzan lei (May 30) ah MBC le Chuncung an chuih lai i MBC nih an tei hna si ahcun MBC caah quarter final chuih khawhnak ding lam a um deuh lai. Group in atu tiang ah mark tha bik cu Calvary an si. Tuzan lei MBC le Chuncung an chuih tikah i kawl veve lo in an i tluk sual ahcun Calvary cu group in an kai cang lai.

Group Chuih In A Tla Cangmi Phu hna cu;
Group A in Olive UPC le Hniarlawn an si. June 1 ah Olive UPC le Hniarlawn an chuih lai i, aho an sungh le an i tei zong ah an phu hnih te in an tla lai. June 1 puai an chuih hlan in group chuih in an tla cia cang.

Group B cu an i fiang rih lo. Group C hi tuzan lei (May 30) ah RC le CJC an chuih lai i a sunghmi paoh an tla lai i a awngmi paoh an kai lai.

Group D hi an i fiang ve rih lai. Tuzanlei (May 30) ah MBC le Chuncung an chuih lai i Chuncung hi an sungh ahcun an tla lan cang lai. An awn belte ahcun ruahchannak an ngei, June 2 ah Grace he puai khat an chuih rih lai.

May 30 chun hnu ah an chuih dingmi le a tang rihmi puai sin hna cu a tanglei bantuk in an si.
โ€ข 30.5.2018 suimilam 1:00pm ah MBC le Chuncung, suimilam 3:00pm ah RC le CJC,
โ€ข 31.5.2018 suimilam 1:00pm ah UPC le Gospel, suimilam 3:00pm ah BCM le FMC,
โ€ข 1.6.2018 suimilam 1:00pm ah AG le MEC, suimilam 3:00pm ah Olive UPC le Hniarlawn,
โ€ข 2.6.2018 suimilam 1:00pm ah Calvary le MBC, suimilam 3:00pm ah Chuncung le Grace an chuih lai.

Tuzan an chuihmi result nih group in a tlami le quarter final a kaimi a hliah len chap cang hna lai. Tutan Hakha Town Churches pumpululh chuih zuamnak cu group pali then an si i group pakhat in phu hnih cio quarter final an kai lai. Quarter final a kai dingmi hi phu 8 an si lai i cu chung in a awngmi phuli kha semi final an chuih than lai. Cu phuli chung in a thiam bikmi phu hnih kha final an chuih lai. Nikum ah champion a rak cotu cu FMC (Free Methodist Church) an si.

Na ruahning rak langhter ve.. (Leave a comment)

%d bloggers like this: