A Tlawm Bik Nihlawh Ks. 4800 Pekding In Bia An Khiah Cang

City Hunter| 2018 February 5| Riantuantu pakhat i nikhat nihlawh cu a tlawm bik ks. 4800 pek ding ah March 5 chun Naypyidaw ah tuahmi nihlawh kongkau Amyotha committee tonpumhnak ah bia an khiah.

“A tlawm bik nihlawh cu nikhat ah ks. 4800 in bia kan khiah cang. Hihi ramkomh cozah sin ah kan chuahpi rih lai. Atu nihlawh kan khiahmi cu a lenglei riantuantu le riantuantu hna caah a si, cozah riantuantu caah a si lo. Cozah riantuantu nihlawh cu cozah phu lei nih ruah a herh tikah an ruah te lai. Atu kan fehtermi nihlawh cu tu thla thih hlan ah ramkomh cozah bu nih an fehter lai ka zumh tiah Riantuantu, Mizapi Thazaang Le Lah-wah-kah zung ramkomh minister U Thein Swe nih a chim.

A tlawm bik nikhat nihlawh cu ks. 5,600 cung pek ding ah riantuantu hna nih an hal i rian ngeitu hna nih ks. 4000 tiang lawng kan kai kho lai tiah cozah sin i an duhnak an langhter hnu ah atu bantuk in biakhiahnak an tuah hi a si.
A tlawm bik nihlawh cu 2015 September ah a hmasa bik nikhat nihlawh cu ks. 3600 in an rak khiah i kumhnih ah voikhat remh khawh a si tiah upadi nih a langhter caah atu bantuk in an thlenremhnak hi a si.

A tlawm bik nihlawh ks. 4800 pekding khiahmi ah riantuantu 10 tang a simi rian le innchungkhar rian he aa pehtlai lo tiah theih a si.

Nikhat nihlawh ks. 4800 in rikhiahmi he pehtlai in tuanvo ngeitu upa hna nih ruahnak hal an tuah i Rangoon ramthen pakhat lawng bak in riantuantu le rianngeitu hna he dohkalhnak catlap 2000 renglo a phan tiah theih a si.
Ref: Duwun/RFA Burmese

Na ruahning rak langhter ve.. (Leave a comment)

%d bloggers like this: