August thla chung lawngah ralzaam sing 1 an karh tiah UN OCHA nih a thanh

Sami IDPs Camp Photo- Salai Mang Ghung

The Chinland Post | 2022 September 7 – A luancia August thla 1 chung lawngah ralzaam sing 1 leng an karh tiah UN OCHA nih September 5 ah a thanh.

A luancia July thla dongh tiangah ralzaam 860,000 leng an um i August thla tiangah ralzaam 974,000 an phan. Hramhram in uknak lak a si hlan buainak ruangah innlo a zaamtakmi 330,000 leng he fonh ahcun ralzaam 1.3 million leng an um tiah theih a si.

Hramhram in uknak lak a si hnu ralzaam chungin Sagaing ramṭhen ah 520,000 leng an um i Magway ramṭhen ah 98,000 leng an um.

A taangmi ralzaam pawl hi Karen, Kayah, Rakhine, Kachin, Shan le Bago ramṭhen, Tanintharyi ramṭhen le Mon hna in an si.

A tam deuh hi cu bawmhnak pek a harnak hmunhma pawl ah an i dor hna tiah UN OCHA cathanh chungah aa tel.

Harnak tampi a um ko nain mi bawmtu phu nih 2022 kum cheu chungah minung 3.1 million an bawmh khawh hna i a tangmi hna ca zongah bawmhnak ngah ding in kan tawlrel lio tiah UN OCHA nih a thanh.

Na ruahning rak langhter ve.. (Leave a comment)

%d bloggers like this: