Paletwa peng Yimawa khuami pakhat bom aa lam sual i fak ngai in aa hliam
![](https://i0.wp.com/thechinlandpost.info/wp-content/uploads/2022/09/Paletwa-peng-khua-pakhat_FB.jpg?fit=640%2C456&ssl=1)
The Chinland Post | 2022 September 7 – Chin ramkulh thlanglei Paletwa peng Yimawa khuapa pakhat cu September 1 zinglei ah lo a kal lio khua he furlong 5 aa hlatnak ah bomrap aa lamh sual i a ke khatlei fak piin aa hliam tiah theih a si.
Bomrap ruangah kum 25 a simi Ko Kyaw Lin Thant i a orhlei ke thahri a cat dih tiah khuami pakhat nih RFA ah a chim.
A hma a fah tuk caah Paletwa peng sizung ah an thlop i zeidah a lawh cang ti cu a fiang in kan thei rih lo tiah a chim.
Paletwa peng le Rakhine ram ah AA le SAC ralkap karlak ah kahdohnak a fak i khuami hna nih khua pawngkam an kalnak ah bomrap atu le atu an i lamh sual i a thimi an um bantuk in hliam a tuarmi zong an tam cang tiah theih a si.