Aung La Nsang Milem Chiahnak Kongah Kachin Mi An Ruahnak Aa Dang

TCP| 2018 August 27| Kachin ramkulh khualipi Myitkyina, Manaw-kun ah Aung La Nsang zuklem chiah an timh mi cu Kachin miphun cheukhat an ruahnak aa khat lo ti ramkhel lei ah tha pe ngaimi mino pakhat nih a chim.

Aung La Nsang milem chiah nakkong ah Myitkyina khua um Kachin miphun in khuanu/pa, mirum sang hna le upa deuh hna thihhruainak in tuah timh a si i hi hna chungin Committee zong an ser cang.

“Aung La Nsang milem tuah timhnak kongah khuami kan ruahnak aa khat lo. Hawi hlei in a thiamsang mi le min ngei hna cu kan upat hna i kan conglomh hna awk a si. Kachin miphun ca lawng si lo in Kawlram pi huap in min ngei pakhat zong a si. Milem tuah piak nakin a mah min in fimcawng mi hna sinah laksawng peknak, Foundation le lentecelhnak (sport center) tibantuk an tuah deuh awk a si” tiah Ko Lwin Zawng nih a chim.

Aung La Nsang milem chiahnak kong Kachin mino sin ah an ruahnak aa khat lonak kong, mino cheukhat hna nih Kachin ram khualipi Myitkyina khua, Manaw-me chungah chiah loding le milem aiawh ah zaanglekzung le pangpar dum tuah a herh deuh tiah a phunphun in i el.

Laksawng a hmuh mi taisawmh kongah “Kachin ram ai-awh le pakhatkhat min ai-awh in aa zuam mi zong a si lo. A mah pumpak pawcawmnak ca lawng ah a si, upa hna nih khua fakdeuh in an ruah a hau. Taisawmh a hmuh mi hi an huhphenh piak deuh awk a si. An chuh than sual ah cun ningzak ngai a si lai” tiah mino pakhat nih a chim.

Ref: News Watch

Na ruahning rak langhter ve.. (Leave a comment)

%d bloggers like this: