Aung Lah N San Le Alexandria Machado Light Heavyweiht World Champion Aa Thong Cong Lai

Aung Aung| 2018 February 21| February 23 ah Ramkomh Myanmar, Yangon khuapi ah Light heavyweight World Champion an tuah cang lai. Cu an tuah dingmi ahcun Myanmar ramchung, Kachin miphun US um Aung Lah N San le Brazil champion pa Alexandre Machado aa thua ding an si. Aung Lah N San nih tu tan zong champion taisawm a thlir khawh nakhnga biatak tein a tha bik timhtuahnak ka ngei.

Tutan an i thuat dingmi hi One Championsip (ONE: Tuest For Gold) ti zong auh a si i Yangon khuapi chung Tuhwana lentecelhnak inn pi chung ah Cawnni Nga ah an tuah lai. Hihi tu lio champion a si mi Roger Gracie cu aa dinh cang caah champion hmunhma a lawng mi aa cuh ding an si. Cucaah tutan aa tei mi paoh cu Light Heavyweight Champion an si lai ti nak a si.

February 20 ah an pahnih tein hmunkhat ah thawngfianhnak an tuah i Aung Lah N San nih champion si kho ding in a ti khawh tawk  tha bik i zuam ding aa timhnak kong a chim.

“Middle Weight World Champion si khawh ding ka rak i timh. Ka rak hmuh tak tak tikah mizapi nih thazaang an ka pek nak thawng in a si tiah ka zumh. Cu a dih tik ah a um mi cu champion ka lak cang mi nak in a sang deuh mi Light Heavyweight World Champion a si. Cucu lak rih ding in timhtuahnak ka ngei” tiah a chim.

Amah he aa thua ding mi Alexandria Machado zong nih tutan an i thuat lai mi hi ka nunnak caah a nganbik zuamcawhnak a si tiah a chim.

Ref: VOA

Na ruahning rak langhter ve.. (Leave a comment)

%d bloggers like this: