May 20, 2024

Aung San Suu Kyi Cu Nobel Daihnak Laksawng A Cotu Minung Pathum Nih Ralrin An Pek

0

TCP-Online| 2018 March 1| Kawlram chung Rohinya (Muslim) pawl cozah nih an hneksak ning kong ah vawleicung Nobel daihnak laksawng a coutu minung pathum nih Suu Kyi ralrin an pek.

Hi mi pathum hna cu Bangladesh ram Rohinya ralzaam hna an va ton hnuah tubantuk in Suu Kyi ralrin an pek zong  a si. Bangladesh ram ah Rohinya ralzaam thong sawm renglo Kawlram chuahtak in zaamtakmi hi Kawl cozah, a bikin Suu Kyi le ralkap hna tuahsernak  a si tikah Suu Kyi nih hi buainak hi a hrial awk a si lo tiah an chim.

Yimin ram Nobel daihnak cotu Tawakkol Karman nih “Hi kong hi Suu Kyi nih a tawlrel lai maw? A si lo cun khung zung ah dah hmaichon a chuah te lai” tiah a chim.

Suu Kyi nih a theih komi cu ngakchia minung tampi Bangladesh ah an zaam. Mah ngakchia hna hi nulepa ngei lomi tampi an um. An nu le an pa hna cu Kawl ralkap nih an thah piak hna ti zong a theih ko tiah Karman nih cun a chim chap.

Ireland ram in Nobel laksawng hmutu Mairead Maguire le Iran ram in Nobel daihnak laksawng cotu Shirin Ebadi hna zong nih tutan i Rohinya buainak kong ah hin Kawl cozah hna cu upadi he aa tlak ning in dan tat dingah rianhma lak an timhnak kong an chim ve.

Ref: RFA

About The Author

Na ruahning rak langhter ve.. (Leave a comment)

%d bloggers like this: