June 20, 2024

Avoi Hnihnak Thantlang Khua Inn License Thar 74 Pekchanh Than An Si

0

Salai Elvis| 2019 July 23| Mizapi le tuanvo ngeitu hna theihbu tein avoi hnihnak Thantlang khuachung inn License ngei rih lomi, a thar 74  cu July 23 ah ramkulh penguk bawi, pengkomh zung le tuanvo ngeitu hna nih pekchanhnak an tuah tiah kan theih.

Mah ni ah Chin ramkulh penguk bawi U Toe Win nih, “mah bantuk in mithar deuh le inn license ngei rih lomi hna cu tawlrelpiak hnu ah Hakha, Falam, Tedim, Tonzang le Thantlang ah pekchanhnak tuah a sinak kong, Cun a tangmi thlanglei Chinram zongah a tu bantuk in tawlrelpiak an si lainak kong, License a ngei rih lomi hna nih phunning te in nan vun sok naklai le a rannak in tawlrelpiak nan si lainak kong” pekchanhnak hmun ah a chim.

MP Dr. Hmuh Thang nih, “hi bantuk license pekchanhnak nan tuahmi cungah a cohlangtu lawng si lo in Thantlang khuapi caah lunglawmhnak ni a sinak kong le MP Pu Van Thawng zong nih biachimnak a ngei. A cohlangtu ai-awh in Rev.Dr. Sang Cung Uk nih lunglawmh biachimnak le ramkulh vawlei hmun kongkau tawlrelnak zung lutlai U Kyaw Nyan nih biacahnak tampi an chimh hna.

Thantlang penguk zung nih License chuahpiak dingin ramkulh penguk zung ah a kuatmi chungin mizapi sin pekchanhnak avoi khatnak 2019 May 16 ah 22, avoi hnihnak July 23 ah 74 le a luancia kum ah pumpak in zungah pek cia cangmi 20 hrawng a diklak 116 tluk inn License a chuahpiak cang hna.

Atu lio Thantlang khuachung ah sangthen 3, innchungkhar 2068, inn 2000 tluk le minung 9046 renglo an um tiah kan theih.

About The Author

Na ruahning rak langhter ve.. (Leave a comment)