Tonzang Peng Ah Kawlpa Nih Kum 9 Ngakchia Nu A Tlaihhrem

Salai CungCung|2019 July 23| Chin ramkulh Tonzang peng Natzan khua ah kum 9 ngakchia nu taangthum kai liomi pakhat cu July 22 ah tlaihhrem a tong tiah kan theih.

Hi tlaihhremnak hmun cu Tonzang khua in meng 7 hlatnak Natzan khua ah ummi an si. A nu le pa hi Kalay lei an kal karlak ah inn pawng theihhngalh sin ah an fa nu te cu chikkhat an va chiah chungmi a si. Cu inn ah a rak tlungmi lam riantuantu pa Bo Win Soe Thu nih a tlaihhrem tiah Tonzang palek zung San Yuh nih a chim.

“Hi ngakchia nu te a nu le pa cu Kalay lei ah riantuan ding an kal ta caah inn pawngkam theihhngalh sin ah chikkhat an va chiah ta hi a si. Amah lawng si lo in a u pakhat le a nau pakhat tiin an nu le inn pawng theihhngalh sin ah an va chiah hna hi a si. Cu inn ah a rak tlung vemi lam riantuantu pa nih a tlaihhrem hi a si” tiah Tonzang palek zung in palek bawi nih a chim.

Lam riantuantu pa Bo Win Soe Thu cu Mandalay ramthen Tharsee peng Taan Taw khua ah a ummi a si. Hi ngakchia nu a tlaihhremtu pa cu Tonzang pelek zung nih an tlaih i pohmah (376) case in dantatnak an pek tiah kan theih.

Ref: Khonumthung

Leave a Commnet

%d bloggers like this: