Ayadaw, Ngwedwin Khua SAC Ralkap Sakhaan Drone In Bom An Thlak, 30 Hrawng An Thi
The Chinland Post | 2023 August 28 — Sagaing ramṭhen, Ayadaw peng, Ngwedwin khua ah a um mi SAC ralkap sakhaan Drone in bom an thlak hnawh hna i SAC ralkap 30 hrawng an thi tiah Naga Ni Battalion Commander nih a chim tiah Khit Thit nih a langhter.
August 26 zaan sml 10:30pm hrawng ah zuu a ri i aa hilh mi SAC ralkap pawl an umnak Ngwedwin khua sakhaan cu Drone 2 in voi 4 bom an thlak hnawh hna caah pyusawthi pawl an ihnak inn a bauh, bom an thlak hnawh chap hna ruang ah aa hilh mi SAC ralkap, pyusawthi pawl a khen hna i an zapi 30 hrawng an thi, tampi an i hliam tiah theih a si.
Kahdohnak chung ah Kyaukse pengkomh Drone phu hruainak in Eagle Guerrilla Force, Sadaung Moekyo, Lightning Drone Force, LPDF, MRTF Drone Force, Moenyo PDF hna an i bawm tiah theih a si.
About The Author
