July 25, 2024

Bago, Htantabin, Zayetkyi Peng SAC Ralkap Sakhan 6 Mipi Ralkap Nih An Kah Zayetkyi, Palek Sakhan Chaungchia Sakhan le LID 73 An Lak Khawh, SAC Ralkap Vanlawng Nih Kahdoh A Bawmh

0

The Chinland Post | February 7, 2024 — Bago Htantabin Zayetkyi peng, February 7 zing ah kahdohnak a zualhma caah ralkap vanlawng nih kah a bawmh hna, mipi ralkap lei nih Zayetkyi palek sakhaan le LID 73 a ning pi in an lak khawh cang tiah theih a si.

February 7 zing sml 3:00am ah KNLA hruai mi mipi ralkap nih Bago ramthen, Htantabin peng, Zayetkyi khua um SAC ralkap LID battalion 73, Zayetkya palek sakhan, Chaungchia sakhan, Myosoe sakhan, Shiaselao sakhan telh in SAC sakhan hme pawl an kah hna, Zayetkyi khua hrambunh LID battalion 73 cu an lak khawh cang tiah Khit Thit Media nih a langhter.

Mah kahdohnak ah KNLA Brigade 2, 3, 4, BPLA, Yangon chaklei Bakapah, Royal Daung Anawar, Taw Ci Kang, Spring Warriors Column le  PDF mipi ṭangrual in an kah hna. Htantabin peng Zayetkyi peng tualchung mipi cu tli zaam kho lo in an um ko rih, SAC vanlawng nih bom a thlak, hriamngan in kah a bawmh hna.

About The Author

Na ruahning rak langhter ve.. (Leave a comment)