Paletwa Kahdohnak Ah Helicopter Kan Thlak Khawh Tiah AA Nih An Thanh
The Chinland Post | 2024 February 7 — Chin ramkulh, Paletwa peng chung, kahdohnak a fah lio ah ralkap Helicopter pakhat kan thlak khawh tiah AA chimphuannak nawl a ngeitu Khine Thukha nih The Irrawaddy Burmese ah a chim.
“Paletwa peng chung, kahdohnak a fah lio ah Helicopter pakhat kan thlak khawh. Mah Helicopter hi Pi tlang ralkap sakhaan pawng ramlak ah a tla, atu zong Khan-kha tlang byuha sakhaan cu minung tling in kan lak khawh cang caah atu lawng kan va hmuh hi a si” tiah a chim.
Pi tlang le Khan-kha tlang sakhaan hi Paletwa khua chaklei Bangladesh-Myanmar ramri ah a um mi sakhaan hna an si.
AA telh in unau hawikom phu 3 nih a tla mi Helicopter he an i thlak mi hmanthlak zong February 4 ah an Telegram Channel ah an tar.
Ralkap kahdohnak thilri he pehtlai in ca a ṭial mi Tactical Raptor 2.0 Facebook cahmai zong nih AA nih an thlak mi Helicopter hi Russia ser Mi-17 thilphor Helicopter a si tiah an langhter.
About The Author
