Bomrap nih a khen i aa hliammi ralkap pawl an rak phorhnak mawṭaw bomrap an puah hnawh hna, 5 an thi

The Chinland Post | 2022 October 13 – Sagaing ramṭhen, Monywa peng ah hliam a tuar mi SAC ralkap pawl an rak phorhnak hna mawṭaw cu bomrap in an puah hnawh hna i 5 nak tlawm lo an thi tiah South Monywa PDF sin in thawng kan theih.

Chaung U in Monywa lei ah a kalmi SAC ralkap mawṭaw 1 cu Oct 11 zaan sml 7:00am hrawng ah PDF nih bomrap an puah hnawh hna.

PDF nih an puahmi bomrap lung 3 ruangah SAC ralkap mawṭaw thlalang a kuai i Monywa lei ah rang taktak in an mawngh tiah South Monywa PDF rian ngeitu Daung Karyan nih Mizzima ah a chim.

Sagaing ramṭhen, Monywa-Mandalay lam cungah aa chawkmi SAC ralkap mawṭaw pawl cu PDF nih bom an ouah hnawh hna lengmang.

Na ruahning rak langhter ve.. (Leave a comment)

%d bloggers like this: