Breaking News: Cinkhua Mi Pu Lian Peng Cycle Accident In A Thi
City Hunter| 2018 February 18| Hakha peng, Cinkhua mi Pu Lian Peng cu February 18, Hakha Pyidawtha sang, Mucu sangthen ah cycle accident in a nunnak a liam tiah kan theih.
Hi kong he pehtlai in min langhter a duh lomi Cinkhua mino upa pakhat nih, February 18 zan suimilam 6-7 kar, Hakha Pyidawtha sang, Mucu sangthen ah a ruak in an char. A thih ning hi fiang in hngalh a si lo nain cycle accident in a si. Amah hi fa pahnih a ngeimi kum 24, a si. Amah a khua hi Hakha peng, Cin Khua mi a si, Honey pa tiah an auh. Hakha, Pyidawtha sang, Gangaw lam ah a ummi an si. A kha a tlek. A nu le a pa min hi Pu Hrang Khar le Pi Biak Sung an si. Fanu pahnih a ngeimi a si tiah Cinkhua mino upa pakhat nih The Chinland Post ah a chim.
Atu hi siibawi te nih chekhlatnak an tuah cuahmah lio a si. A thaw tu cu a dih cang. Siibawi te nih operation tuah ding lawng hi aa duh cang. Hihi, mithi lei le palek sakhan lei in nawl onhnak um lo cun tuah awk a tha rih lo tiah siibawi te sin in kan theih.
A thih hi suimilam 7 tluk ah a thi ko cang nian siibawite nih operation an tuah duh lo caah a ruak tin pi khawh asi lo. Atu sumilam 9 ahcun operation tuah khawh asi ti lo. Atu hi Khuate mi kan si. Sii-inn ah ruak hngah a kan fialmi hi kan lung a fak. Zeiruang ah ah dah a thih cangka operation a kan tuahpiak duh lo? Khuate mi kan si, thaizing tiang ruak hngah ding a kan timi hi cu an poi deuh ko, zawnruahnak an ngeih lo tuk khi a si tiah Cinkhua upa pakhat nih The Chinland Post ah a chim.+++
About The Author
