Hluttaw Le Media Biatak Tein Rian Kan Tuan Ti Lai; Hluttaw Speaker Chang U Aung Taan

Hluttaw Deputy Speaker hlun MP U Aung Taan

Salai Ngun San Aung| 2018 Feb. 18| Chin ramkulh hluttaw ah speaker chang a simi MP U Aung Taan nih democracy hruainak ah media le hluttaw hi riantuanti khawh a biapit tuk caah Chin ramkulh hluttaw le media zong hmailei ah biatak tein rian kan tuanti hna lai tiah right to information dialogue tuah lio ah a chim.

Chin ramkulh hluttaw nih hin Cozah media asimi Pianciazi dah tilo media dang pawl cu hluttaw tonpumhnak ah bia ngaih le a chung i thawngpang lak an sianh lo. Hi kongah U Aung Taan nih a hmuhning le a duhning a chim.

โ€œKachin Hluttaw ahcun media corner an tuahpiak hna. Ramthen dang zong an tuahpiak len ko hna. Cun ramkomh pi ahcun Live in video an thlahpiak hna. Kannih zong nih zalong tein luhnak nawl an in pek ve hna awk hrimhrim a si. MP cu mizapi aiawh kan si caah hluttaw chung i bia a chimmi aa palh ruangah maw pakhat khat palhnak ruangah tazacuai khawh asilo timi upaidi serpiak kan si. Party, biaknak, miphun le pumpak soisel tibantuk belte a ngah lo. Cucaah nan luh asi zong Live thlah a si zongah kan i palh zongah palh phung si ko i nan hmuh awk a si ko. Zoh kan chia hnga tibantuk i Media kham le Live thlah tibantuk duh lo hi cu a sullam um lo. Ka ruahmi pakhat bel cu Tualchung Media ho nih dik upa pakhat he ruahnak i kalh deuh in soisel bantuk deuh thawngpang nan rak tialmi a um i mah ruangah cun an in kham mi hna hi a si kho men. Cu zong cu a si ding silo mi thil khi a si. Keimah nih cun rian tuan ti ka duh. Kan herhmi a si fawn. Kan tuan ti hna lai. Zalong tein kan ton pumhnak ah thawngpang nan la lai.โ€

Chin Media Network zong nih Chin Ramkulh Hluttaw sinah zalong tein thawngpang lak khawh nak nawl onh dingin voi hnih thum kheng te ca tial in an hal lengmang cang. Asinain nihin tiang hluttaw ton pumhnak ah lut in thawngpang lak khawh cu a si rih lo. Live in Video thlah piak maw Thawngfianhnak tuah piak ding in dah tiah an hal mi zong tuah piak a um lo.

Hluttaw Speaker Pu Zo Bawi nih 2016 kum dongh lai te ah Media vialte ton in hluttaw ton pumhnak ah thawngpang nan la kho lai tiah nih a rak chim. Asinain nai te ah amah lila nih Hluttaw ton pumhnak chung i media luh khammi hi keimah ka si a ti hoi. An khamnak a ruang an chimmi cu hmunhma a bi tuk, biachim lio ah nan i chawhleh lengmang mi khi hna a hnawk, a caan ahcun thinhun pah hna in biachim a si i media nih kha vialte nan kan hmuh cu a tha lo ti hi an si. +++

Na ruahning rak langhter ve.. (Leave a comment)

%d bloggers like this: