Bungzung Sakhaan Cu Kan Lak Cang Tiah CNA Nih An Thanh
The Chinland Post | 2023 December 19 — Chin ramkulh, Hakha peng, Bungzung khua um ralkap sakhaan cu Chin dothlennak phu pawl nih December 18 ah an lak khawh cang tiah CNA nih an thanh.
“Chin dothlennak phu pawl nih sakhaan lak kahdohnak an tuah lio ah ralkap lei nih vanlawng in bom voi 3 a thlak. Cun Gangaw hrambunh LIB 50 nih hriamngan in voi 3 kah a rak bawmh hna. Cu chung cun sakhaan kan lak khawh hi a si” tiah Salai Htet Ni nih RFA ah a chim.
Thazang 70 hrawng an umnak Bungzung sakhaan cu December 17 in kah hram an thawk hi a si i ralkap lei Captain telh in 6 a nung in an tlaih hna tiah theih a si.
Kahdohnak chung ah ralkap lei 8 an thi i Chin dothlennak phu lei 2 nih ram le miphun caah nunnak an pek bantuk in 6 an i hliam tiah theih a si.
Chin dothlennak phu pawl nih Rihkhawdar khua, Rezua khua, Surkhua, Hnaring, Lailenpi, Makui-ing-nu, Waibula khua 7 hna hi an lak khawh cang.
About The Author
