Matupi Peng, Thaiboi Sakhaan Chin Dothlennak Phu Pawl Nih An Lak
The Chinland Post | 2023 December 19 — Chin ramkulh thlanglei, Matupi peng, Thaiboi sakhaan cu December 19 zinglei sml 11:00am ah CDF-Matupi le a hawikom phu pawl nih an lak khawh tiah thawng theih a si.
“Sakhaan kan lak khawh cang. Thandar kan thlai khawh cang. A thi mi cazin a fiang in theih a si rih lo. December 12 in Operation kan thawk cang. Kahdohnak hi December 28 lawng in kan tuah khawh” tiah CDF-Matupi chimphuannak nawl a ngeitu nih Khonumthung Burmese ah a chim.
Matupi-Paletwa lamcung ah a um mi Thaiboi ralkap sakhaan cu CDF-Matupi hruainak in CNDF, CDF-Lautu, CDF-Mindat hna nih sakhaan lak kahdohnak an tuah hi a si.
Cu Thaiboi ralkap sakhaan ah thazang 40 hrawng nih hmunhma an khuar i a zaam mi zong an um tiah theih a si.
Thaiboi sakhaan lak kahdohnak a chuah caah ralkap lei nih Vankai khua ah bom a thlak i mipi 4 an thi tiah theih a si.
About The Author
