Canada In John Te Nih 2019 CYONA Idol A Co
The Chinland Post| 2019 July 8| Indianapolis, Indiana ah July 4-6 tiang tuahmi CYONA (Chin Youth Organization of North America) convention pi ah Idol zuamnak an tuah i Canada in John Te nih 2019 CYONA Idol winner laksawng a co tiah kan theih.
Hi Idol zuamnak ah minung 15 an i zuam kho. Hi chung in top 5 a phanmi cu; Ngun Hram Lian (Nebraska), Sui Cer Chin (Amarillo, Tx), Olivia Thla Hnem Sui (Indiana), John Te (Canada) le Abigail Biak Tha Hnem (Kentucky) an si.
Top 5 chung in John Te (Canada) nih atu bantuk in a thiambik winner laksawng a co hi a si. Level 1 aa zuam lio te in John Te nih a ngah lai tiah mi tamdeuh nih an zumh cio bantuk in Idol a ngah taktak.
1st Runner up cu Ngun Hram Lian (Nebraska) nih a ngah. Cun, a tha bik hlanphantu timi Best Composer of 2019 CYONA Idol cu Saya Hniang Ceu Ling (Halkha) nih a ngah tiah kan theih.
CYONA Idol zuamnak ah winner a rak co baltu hna cu;
1. 2006 kum ah Rebeca Biakthachin Sung,
2. 2007 kum ah Cung Tha Lian,
3. 2009 kum ah Van Tha Hlei Dim,
4. 2011 kum ah Dawt Len Zi,
5. 2013 kum ah Ngun Tha Chin,
6. 2015 kum ah Ah Thang,
7. 2017 kum ah Bawi Hlei Mang an si.
About The Author
