Hakha In Motor Line A Chuakmi Chekhlatnak An Tuah Tam Caah Motor Khaltu Hnahnawhnak An Pek Hna

0

TCP-Thantlang| 2019 July 8| Hakha in khua dangdang ah khualtlawng motor hna cu chekhlatnak tuah a tam pin ah motor khalhnak License (B) tlaih in tangka liamter, khualtlawng mi hmat-pungtin chek tibantuk an tuah tam caah hnahnawhnak an pek hna pin ah caan sau tiang motor luhchuahnak pehzulh dingah a har lai tiin motor khal tu pakhat nih a chim.

Taungzalat motor khaltu pakhat nih, “Check Gate ah hin Sah-tung-lung, Palek, pengukzung, Ka-ngiah-nah hna an um. Hi chungah Sah-tung-lung, Tit-taw- le palek  hna nih motor License, riantuannak Lisence, motor khal tu hmat-pung-tin pin ah khualtlawng mi hna hmat-pung-tin tiang an kan hal. Cucaah zalong tein tlunkal khawh a si lo pinah khualtlawng zong an zalong kho lo. Cun kan khuallam zong an tlai ter” tiah Pu Hongpi nih a chim.

Chin ramkulh cozah nih cun a tubantuk Check Gate chapding tibantuk kong cu kan tawlrel mi a um lo. A tlawm lei hmanh kan duh. Rampi huap in Lisence ngeilo motor lawng tlaih ding ti  a si. Tangka liamter in Check Gate hna cu kan cohlang lo” tiah Sipin vuanci U Soe Htet nih a chim.

Chin ramkulh huap in khualtlawng motor hna cu khah (b) Lisence deuh an i tlaih caah aa tlak lo tuk in tangka an liamter hna ah cun khualtlawng motor ngeitu zong a donhkhanh ngai hna lai tiah a chim chap.

“Motor khalhnak (b) License lawng kan ngeih ve caah an kan tlaih i 50,000 an kan liamter. Hakha in Kalay tiangah 30,000 lawng kan hmuh. Check Gate ah nifatin an kan tlaih peng tikah 50000 peng kan liam tikah mizei bantuk motor khal hmanh a tlamtling lo. Khual kan tlawnnak Motor hin mizapi, le eipaw cawmnak ca ah hman mi a si caah mah bantuk hin an kan tlaih ko ahcun  Motor gate khar lawng a tang ko cang” tiah U Hongpi nih a chim.

“Hi kong cu tuanvo ngeitu hna nih a rannak in an kan tawlrel piak a hau, khualtlawng mi chungin Hmat-pung-tin aa kan lo mi an um si cun suimilam pakhat tluk an kan dirter” tiah motor khaltu hna nih an chim. (Ref: Chin World)

About The Author

Na ruahning rak langhter ve.. (Leave a comment)

%d bloggers like this: