CDF-Kanpetlet sakhaan a rak kapmi ralkap pawl phufonh hna nih an kah, ralkap 15 an thi, hriam a thlautuk caah Vakok sakhaan thlah a si

The Chinland Post | 2022 June 11 – Chin ramkulh, CDF-Kanpetlet battalion 2 sakhaan umnak ah kahdohnak a rak tuahmi SAC ralkap cu Chinram mipi hriamtlai phufonh hna nih an kah hna i SAC ralkap 15 an thi, hliamhma a tuarmi an tam tiah CDF-Kanpetlet nih a thanh.

Kanpetlet hmunhma ah June 9 kahdohnak lioah a sunghnak fak tuk in a tuarmi SAC ralkap pawl cu June 10 ah CDF-Kanpetlet battalion 2 (Vakok) sakhaan umnak ah thazang tampi in kahdohnak an rak tuah ṭhan i zinglei sml 7:00am ah voikhat, chun ah voikhat tiah kahdohnak a fak tiah theih a si.

June 10 nikhat chung kahdohnak ah SAC ralkap a tlawmbik 15 an thi lai, 30 hrawng nih hliamhma an pu i phufonh lei in 2 nih hliam an tuar ve tiah CDF-Kanpetlet nih a langhter.

SAC ralkap pawl cu Kyaukhtoo le Mindat infrantry 274 nih 120 MM in kah an bawmh hna caah a pawngkam khua mipi hna cu nikhua chiat lio zongah ramtang ah an zaam dih tiah a langhter.

Cu kahdohnak chungah hriam aa thlau tuk ruangah CDF-Kanpetlet battalion 2 sakhaan cu thlah a si tiah an thanh.

Na ruahning rak langhter ve.. (Leave a comment)

%d bloggers like this: