Gangaw ah ralkap nih Nyaungle khuami 5 cu thirhri hren in an khangh hna
The Chinland Post | 2022 June 11 – Magway ramṭhen, Gangaw peng, Nyaungle khua cu SAC ralkap nih June 3 ah an luh hnawh hna i khuami 5 cu thirhri hren in an khangh beh hna tiah khuami le PDF-Gangaw sin in theih a si.
Ralkap nih Yemyatni khua in Gangaw khua leiah kahdohnak an tuah i Nyaungle khua le Kaungtone khua ah an lut i Nyaungle khuami 5 cu inn pakhat ah thirhri in an hren hna i an khangh beh hna.
Cu SAC ralkap pawl cu Nyaungle khua mipi inn 2 le Kaungtone khua mipi inn 5 zong an khangh i khuachung ah a ummi mipi thilrii pawl zong an mawṭaw phorhter in an fir i an lak lomi thil pawl cu an hrawh tiah PDF-Gangaw nih thawng a thanh.
About The Author
