CDF-Matupi caah Lottery in Fund kawlnak an tuah
The Chinland Post | 2022 September 14 – Chin ramkulh chungah hramhram uknak a rawh khawhnak hnga kahdohnak a tuahtu CDF-Matupi caah Fund kawlnak Lottery ticket pawl kan zuar cang tiah CDF-Matupi Fundraising Committee nih a thanh.
Ticket pakhat ah USD $ 50 a si i ticket 1,000 an zuar lai tiah theih a si.
Pakhatnak laksawng hi USD $ 5,000, pahnihnak laksawng hi $ 3,000 le pathumnak laksawng hi $ 1,000 a si lai i ticket pawl cu September 11 – October 11 tiang ni 30 chung zuar a si lai tiah a thanh.
Ticket pawl cu American le Myanmar ram telh in ram 10 in thil zuartu pawl sin in cawk khawh a si i CDF-Matupi Fundraising Committee Page zong ah pehtlaih khawh a si tiah an langhter.
Dothlennak a caan a rauh bantuk in hriamtlai minung an karh i hriam lei tamtlin a herh caah kan tawlrelnak a si tiah a thanh.
CDF-Matupi ah battalion 5 a um i ramchung ramleng dirkamhnak thawng in har ngai in ṭhutdir a si i atulio hi bawmhnak a tlawm ngai cang tiah theih a si.
