Pauk palek sakhaan in palek pakhat hriam he CDM a tuah
![](https://i0.wp.com/thechinlandpost.info/wp-content/uploads/2022/09/Pauk-palek-sakhaan-in-CDM-a-tuahmi_2022-Sep-13.jpg?fit=640%2C320&ssl=1)
The Chinland Post | 2022 September 14 – Magway ramṭhen, Pauk palek sakhaan in palek pakhat September 13 zinglei ah hriam he CDM a tuah tiah Myaing PDF nih an thanh.
Pauk palek sakhaan in palek Asian Hein cu hramhram uktu kuttang ah rianṭuan a duh ti lo caah September 13 zinglei sml 7:30am ah Myaing PDF sin ah hriam tling he CDM a tuah tiah Myaing PDF battalion 1 commaner Let Ya nih DVB ah a chim.
“CDM a tuahmi palek pa nih G3 zuun 1, kuan bawm 2, kuan 132 le kutkhihnak pakhat aa rak put caah tangka sing 100 laksawng kan pek i himnak hmun ah kan kuat” tiah a chim.
Hramhram in uknak lak a si hnuah CDM a tuahmi ralkap le palek thawng tampi an um cang.