July 24, 2024

CDF Matupi nih Police Second Lt. Chan Myat Aung An Tlaih

0

Hmanthlak hlun (2022)

Salai Mangpau | July 28, 2023 — Chin ramkulh, Matupi pengchung ah SAC ralhrang kuttang palik bawi Police Second lieutenant Chan Myat Aung cu July 26 ah hriamnan he kan tlaih, tiah CDF- Matupi nih cathanh an chuah.

Matupi-Hakha lampi um Hpaning khua le Matupi pengkomh zung karlak hmunhma pakhat ah July 26, zanlei suimilam 3:30 ah CDF-Matupi nih raltu ding in (operation)check nak kan tuah lio ah Pistol meithal 1, kut cheh bom 2, kuan fang 58 he Matupi peng Police Second lieutenant Chan Myat Aung cu kan tlaih tiah July 28 ah cathanh an chuah.

Hi check nak an tuahnak ah CDF- Matupi in hliam a tuarmi um lo in hnulei kan tolh kho ṭhan, tiah CDF-Matupi nih cathanh an chuahmi ah an langhter.

About The Author

Na ruahning rak langhter ve.. (Leave a comment)