July 25, 2024

Aung Hlaing Nih Nawlngaihnak Thlaruk A Peh Than: National Defence & Security Council Meeting Ah NLD Vice President Henry Van Thio Aa Tel

0

Salai Mangpau | July 31, 2023– Ralkap nih phunglam tialmi 2008 Phunghrampi  uknak zulhphung nawlbuar in Min Aung Hlaing nih SAC ralkap bawi pawl he National Defence and Security Council (အမျိုးသား ကာကွယ်ရေးနှင့် လုံခြုံရေးကောင်စီ- ကာလုံ) Meeting cu July 31 ni biaceihnak ah uknak thlaruk pehthan ding in biakhiahnak an tuah than.

2021 February 1 ni ah Min Aung Hlaing nih Myanmar ram pi uknak hramhram a lak hnu ah SAC nih 2008 kum phunghram pi zulhphun an tuah mi ah uknak  thlaihtimh duh lo in pehthan dingin thlaruk pehthan ding in biakhiahnak an tuah.

Phunghram pi uknak phung ahcun uknak pehthan ding hi kum 2 tiang rikhiah piak a si natein  ramchung daihnak a um lo/ a poipang thil, buainak a um caah tiah 2023 kum January thla tiang uknak thlaruk pehzulhnak ding tiah SAC lei nih biakhiahnak an rak tuah mi a si.

July 32 ni meeting ah rambuainak a umnak le konglam vialte cu, Min Aung Hliang nih cahmai tampi a chuah pi. Cun, Myanmar ramchungah buainak kahdohnak a tambik mi hmun, Sagaing ramthen, Chaklei- Magwe ramthen, Karen ramkulh, Chin ramkulh, Nichuak Bago ramthen le Tanintaryi ramthen ti dah lo cun a dang ramthen le ramkulh ah democracy thimnak kan tuah kho ko lai tiah ralhrang bawizik Min Aung Hliang nih a chim.

“Upadi he aa ral khah, An mah tialmi 2008 constitution phun zong an zul lo.  Uknak thlaruk dan in an pehthan lengmang mi hi a tu ahcun a voi 4nak cang a si” tiah NUG Ministry of Justice Minister U Thein Oo nih a chim.

Min Aung Hliang uknak a lak hnu National Defence and Security Council Meeting ah 1- Vice president-U Myint Shwe hi cansau pi a mui lang lo in a um ton mi cu nihin  meeting a kai kho. Cun, NLD party in 2-Vice presidentHenry Van Thio zong a voikhatnak National Defence and Security Council meetingah aa tel hi a si. February 1, 2021 President U Win Myint le Daw AungSan Suu Kyi ralkap nih an tlaihlio ah NDASC (ကာလုံ) meetingah aa tel lo i, 2022 kum le 2023 chung NDSC meeting zongah aa tel ton lo. Henry Van Thio cu ngandamnak ruangah meeting a kai kho lo tiah ralkap lei thawngthanhnak ah an rak langhter ton.

Myanmar ram National Defence and Security Council (အမျိုးသား ကာကွယ်ရေးနှင့် လုံခြုံရေးကောင်စီ- ကာလုံ) Meeting ah telnak nawl a ngei mi hna-11 ahcun,

  • President
  • First Vice-President
  • Second Vice-President
  • Speaker of the Pyithu Hluttaw
  • Speaker of the Amyotha Hluttaw
  • Commander-in-Chief of the Defence Services
  • Deputy Commander-in-Chief of the Defence Services
  • Minister for Defence
  • Minister for Foreign Affairs
  • Minister for Home Affairs
  • Minister for Border Affairs tiah mi 11 tel in drihmi a si.

2021- 2023 kum Myanmar ram National Defence and Security Council (အမျိုးသား ကာကွယ်ရေးနှင့် လုံခြုံရေးကောင်စီ- ကာလုံ) thimmi ahcun,

Position Name
Acting President and First Vice President Myint Swe
Second Vice President Henry Van Thio
Speaker of the House of Representatives T Khun Myat
Speaker of the House of Nationalities Vacant
Commander-in-Chief of Defence Services Min Aung Hlaing
Deputy Commander-in-Chief of Defence Services Soe Win
Minister of Defence Mya Tun Oo
Minister of Home Affairs Soe Htut
Minister of Foreign Affairs Wunna Maung Lwin (2021–2023)
Than Swe (2023-present)
Minister of Border Affairs Tun Tun Naung

About The Author

Na ruahning rak langhter ve.. (Leave a comment)