CDM a tuahmi ralkap 10,000 deng an si tiah NUG nih a thanh

The Chinland Post | 2022 April 18 – SAC tang ah rianṭuan duh loin a nuarmi (CDM) ralkap 10,000 deng an si cang tiah NUG Chief Minister Mahn Win Khaing Than nih April 18 ah tuahmi Hluttaw meeting ah a chim.

CDM tuah a duh ko nain, a ruang tampi ruangah a tuah kho lo mi ralkap zong an um i, an mah sin in ralkap chung thawngpang pawl kan lak khawh tiah a chim fawn.

Raltuknak vanlawng pawl he CDM nan tuah a si ahcun sing thonghra, SAC nih hmanmi vanlawng, Helicopter, Thilphor vanlawng, raltuknak vanlawng hrawh khawh, tlak ding in tuah hram in CDM nan tuah a si ahcun sing thongruk laksawng pek nan si lai tiah NUG nih a rak thap.

Cun, SAC nih datsi an chiahnak, hriamnam an chiahnak nan hrawh khawh a si ahcun, a si lo le CDM nan luh lioah tank, khamnak mawṭaw (Armor) nan rak i put khawh a si ahcun sing thonghnih laksawng pek nan si lai tiah a rak thanh.

SAC ralkap hlun pawl he dirh a simi Tenaka raltuknak lei a tawlrel tu U Thein Htun nih cun NUG nih a thanhmi hi a taktak ah a cang kho lai lo tiah a chim.

Na ruahning rak langhter ve.. (Leave a comment)

%d bloggers like this: