CDM tuahtu kan upat, Kan Miphun Ni Mahte in Tuah Ding: CJDC

CJDC Facebook

Post Staff| 2022 February 1 — Min Aung Hlaing hruaimi phu nih 2021, February 1 in hramhram uknak lak aa timh cu kum 1 a hun tling cang. Mipi sin in hramhram uknak lak aa timh mi cu kan mah Chinland Joint Defense Committee (CJDC) fak piin kan doh, cohlang lo tiah February 2 nithla in cathanh an chuah.

CJDC cathanh chung ah, Hramhram uknak lak kum khat a tling cang ko nain lungṭul lo tein CDM a tuahtu nan zaapi cungah CJDC nih upatnak kan in pek hna. SAC phu uk pennak ding caah a dirkamh tu Chinland chungah nan um a si ahcun ralrinak fak piin kan in pek hna.

Kawl ralkap nih Chinland chung ah fak piin kahdohnak a tuah caah mipi vialte a himnak hmun ah zaam dih a si. Chin ramkulh kan dirh ṭhan khawhnak ding caah Chin miphun vialte lungdong lo le lungrual tein kan doh rih nak lai kan in sawm hna.

Chin miphun nih kan sunhsak tukmi Chin National Day zong Ralhrang phu nih tuahmi ah i tel lo ding le mah tein i tawlrel le tuah ding ah kan in sawm ṭhan hna.

Chinland rampi dirh ṭhannak ding le mah tein khuakhan lairelnak kan ngeih khawhnak hnga CJDC nih Ralhrang phu cu kan hrawh cikcek lai.#

CJDC Cathanh:

CJDC Cathanh

Na ruahning rak langhter ve.. (Leave a comment)

%d bloggers like this: