Maungdaw Peng Palek Sakhaan In Palek 100 Hrawng Nih A Sung An Pek
The Chinland Post | 2024 March 27 — Rakhine ram chaklei, Maungdaw peng um SAC Ta-man-tha palek sakhaan in palek 100 hrawng nih AA sin ah hriam chiah in a sung an pek tiah theih a si.
Maungdaw peng um SAC Ta-man-tha palek sakhaan in palek pawl cu AA nih fak ngai in kahdohnak kha an intuar hnu March 25 ah AA sin ah hriam chiah in a sung an pek hi a si i vawlei cung phung ning tein kan zohkhenh hna tiah AA nih March 26 ah thawng a thanh.
Cubantuk in SAC Cing-chaung BGF sakhaan zong tlamtling tein an lak khawh nakhnga AA nih thla 1 deng an kulh cang i hmunhma cheukhat cu an lak khawh cang.
Cun Buthidaung hrambunh SAC IB 552 zong ni 32 an kah hnu ah March 25 ah Battalion a ning in an lak khawh.
About The Author
