Chaklei Shan Ram A Sung Ruang Ah Biaknak Le Miphun Ral Thawh Mei Kau Aa Tim Mi SAC
Salai Mangpau
Chaklei Shanram lei a sung mi Region Operation Command, Byuha le Peng-Myo a kal tak mi ralhrang SAC nih chaklei Shan ram ah phundang in strategies a tuah mi cu biaknak, miphun buai ding in lam a hun ser than. A bik in chaklei Shanram a sung thluamah mi SAC ralhrang nih chaklei Shan ram ah Phon miphun le Pe miphun karlak ah ral ser in dohnak hramthawk aa tim.
Cu hnu ah, nikhat hnu nikhat SAC sakhan le peng-myo a sung thluamah mi SAC nih Chaklei Shan ram ah Kokang miphun nih kawl miphun namnehnak phun bantuk in chim le rel catialnak in a vun tuah. SAC minung a si mi Kyaw Myo Min, Kyaw Soe U hna hmang in Chaklei Shan ram ah ralhrang dohnak siloin miphun karlak huatnak raldohnak a hun chuah ter hna.
Dohthlennak mipi lei nih SAC nih aa timh mi cu nawl ngai lo in mah le rian cio tuah in dohthlennak a dih tiang tuah hi mipi kan rian lian bik si ko seh.
Cucaah SAC nih a timh mi chung ah, mipi kan luhnak hnga lo le hnu ah aa timh than ding mi cu ramdang nih an kan doh te lai ti phun in a vun tuah chap ruang ah chaklei Shan ram unau hawikom phu 3 kahdohnak si ti lo in thazang thawng mi ram hna nih a hnu lei in a dir kanh hna caah ramdang mi nih an kan uk lai ti phun in mipi sin ah tukforhnak a vun tuah than pah lengmang.
Cu hlei ah SAC kuttang um phun dawt bu pawl cu chaklei Shan ram kahdohnak ah hnu lei in a sirpi tu ram thawng mi Tuluk a si ko tiah Yangon khua ah Tuluk duhlonak cu a vun tuah ter hna cu sandah piah in a tuah ter hna.
Cun unau hawikom hna kahnak ah phungki angki thlah in meithal put ding in ready kan si tiah phundawt
မဘသဘုန်းကြီး-Mahbatah phungki cu thawngthanhnak a tuah ter hna. Myanmar ram chung ah Buddhist an tam cem i mi tlawm deuh cu biaknak dang an si ti mi miphun karlak ah buainak chuak ding in SAC thluak a vun chuah ter than ai.
Sihmanhsehlaw dohthlennak a tuah mi mipi hna cu SAC nih thluak le phungdang hmang in mipi lungrualnak thencheu ter a tim. Unau hawikom phu 3 cu ṭanh peng ding, thazang pek ding hlei ah Tuluk lei zong nih amah sualphawt aa tim mi မဘသဘုန်းကြီး– Mahpahtah bu pawl cu a zizut ding tiah a chim ko nain SAC lei hriamnam bantuk le an tuah peng mi biaknak buaiter kha aa vun i timh mi မဘသဘုန်းကြီး-Mahpahtah hna hi a si.
A bik in MNDAA lei nih an lak mi SAC sakhan um Buddhist seti–pura pakhat cu MNDAA ralkap pakhat nih sobul in a tuk a hrawh lio video pakhat cu online ah a vun langhter mi zoh tik ah SAC nih biaknak buaiter zokzok kha aa timh mi a si.
SAC cu ramchung ah mipi nih an huat lio ah ralhrang lei harnak an tong mi kha mipi lei tu ah miphun biaknak buainak ser kha hlan lio zong ah ralkap nih aa timh mi a si cu mipi tampi nih an theih cang mi a si.
Newin chan lio zong ah harnak buainak a chuah tik ah mipi lei nih ralkap cung ah sualphort lo nak hnga mipi le Tuluk karlak a forh hna bantuk in, Than Shwe chan lio zong ah Muslim-Kawl buainak, Thein Sein chan lio zong Muslim-kawl buainak a tuah ve than, nihin Min Aung Hlaing chan Tuluk-Kawl buai nak ser aa tim than tik ah ralkap kan sual ko ti chim phuan duh lo in midang puh aa tim thannak hi a si.
Ralkap lei nih zeibantuk miphun, biaknak mei kau ter than aa timh zong ah mipi lei nih theih ter lo in lungrual tein tanti peng ding le mipi nih kan timh bik mi SAC ralhrang thlak zohzoh kha kan rian ngan bik sihram ko seh.
Cherhchan: PDF Insight
About The Author
