Chaklei Shan Ram Kahnak Ah LIB 579 Commander L.t Colonel A Thi, LIB 69 Commander L.t Colonel A Nung In An Tlaih
The Chinlandpost | November 29, 2023 — Chaklei unau hawikom phu nih November 29 ni tiang ah SAC sakhan 180 an lak khawh cang.
Chaklei Shan ram kahnak ah LIB 579 Commander L.t Colonel cu MNDAA nih an thah. LIB 69 Commander L.t Colonel a nung in tlaih a si tiah MNDAA biachimnak nawlngeitu Ly Kyarwen nih a chim.
November 27 ah MNDAA le ṭangṭi mipi ralkap phu hna nih Kyaukme le Lashio karlak, KuhTang Sedi High Point an lak hnu ah Kokang Kungcian battalion 1 le Kyaukme checkgate an lak. November 27 zaan ah chaklei unau hawikom phu nih SAC sakhan lian telh in sakhaan dihlak 180 an lak cang tiah theih a si.
November 27 zaanlei sml 4:00pm ah MNDAA le Kokang pengkomh hunhimnak ralkap phu hna nih Kokang Shinwant peng Kungcian shinkhaing um SAC sakhaan lak kahdohnak ah SAC ralkap 6 an thi, hriamnam 8 an lak.
Cun, Sheshan peng Tashwethang khuakomh, Shaukpakang lei a tli mi, LIB 69 Theinni hrambumh commander L.t Colonel cu a nung in an tlaih.
November 27 zanlei sml 3:19pm ah MNDAA le TNLA phu tangti hna nih Kyaukme hrambunh checkgate cu drone in an kah hnu ah zaanlei sml 5: 26pm ah an luh hnawh hna. Mah checkgate kahnak ah LIB 579 Mineset commander L.t Colonel an thah khawh hi a si tiah Khit Tit Media sin in theih a si.
About The Author
