Chaklei Shan Ramkulh, Namtu Khua Kahdohnak Ah Hongwitsa hriamngan 2 Telh In Hriam Tampi An Lak
The Chinlandpost | December 29, 2023 — Chaklei Namtu khua laknak ah SAC hongwitsa hriamngan 2 telh in hriamnam tampi cu PSLF/TNLA nih an lak.
Namtu khua hrambunh SAC battalion 324 cu TNLA nih December 25 in ni 4 chung an kah i December 28 ah an lak hi a si.
Sakhankung kahnak ah SAC ralkap 30 nak tam an ruak an hmuh i a tang mi nih sakhan a tlik tak tiah TNLA sin in theih a si. Peng laknak ah TNLA ralkap hliamtuar mi an um ve.
Penglaknak ah SAC jet fighter voi 25/ Y-12 vanlawng in voi 2, raltuknak vanlawng Mi 35 voi 9 tiang an kah i LIB 324 sakhan laknak ah hongwitsa hriamngan in voi 93 hrawng SAC lei nih an kah tiah PSLF/TNLA lei sin in theih a si.
Kahdohnak ah mipi ralkap lei drone zuang kho lo in SAC lei Jumper an hman ko bu ah sakhan an lak khawh hi a si.