Chauk Peng, SAC Ralkap Motor 3 Bom Puahhnawhnak Ah A Thi Mi An Tam
The Chinland Post | December 29, 2023 – Magwe ramkulh Chauk peng chung um Katang khua ah SAC motor 3 um battalion cu Kataing khua le Kantit khua karlak an phanh lio ah mipi ralkap lei nih bom in an kah hna i SAC ralkap a thi mi an tam tiah Chauk Gurrrilla (C.G.F) bu sin in theih a si.
December 26 ah, Battalion 13 in Wazi ralkap bu 70 leng cu Kataing khua lei in motor 3 in an rat lio zanlei 5:15pm ah Katang le Kantit khua karlak ah an kah hna.
SAC motor bom hnawhnak ah motor kal kho lo ding un naih tein kahdohnak an tuah hna caah SAC lei 15 leng an thi tiah theih a si.
Kahdohnak ah mipi ralkap hliamtuar mi le a thi mi um lo tein hnu lei a kir kho i Chauk peng chung um Kanma khua, Kantit khua, Kataing khua um SAC ralkap an vak, tualchung mipi an check hna, hriamngan in an kah tawn hna. Mipi ralkap lei in Chauk Guerrilla Force (C.G.F), Aung San’s land Natmauk ralkap bu, Ngapiamah ralkap, Chauk Revolution Army le Magwe pengkulh battalion no.2 hna bawm in kahdohnak an tuah tiah Burma Media Consortium – BMC sin in theih a si.
About The Author
