Chaung U Ah Palek 2 Thi Lak In An Kah Hna, Meithal Zuun 2 le Kuan Tampi Zong An Lak Khawh
The Chinland Post | 2023 October 20 — Sagaing ramṭhen, Chaung U peng, Kanzi pyusawthi khua in eidin kawl awk ah SAC Palek Battalion 26 in a rak chuak mi palek 2 cu an kah hna. Palek 2 nih an i tlaih mi meithal zuun 2 le kuan tampi zong an lak khawh tiah Monywa Pengkomh Battalion 05, ASF nih thawng an thanh.
October 19 zinglei sml 7:00am hrawng ah Chaung U peng, Kanzi pyusawthi khua in eidin kawl awk ah cycle in a rak chuak mi palek 2 cu PDF pawl nih an rak bawh hna i an kah hna, pakhat hi a hmun ah a thi i adang pakhat kha a hliamhma he an tlaih i an kalpi lio lampi ah a thi ve.
Tutan an thah mi hna palek 2 hi SAC palek Battalion 26 in palek Htun Kyaw Swa le palek Aung San Min hna an si.
A thi mi palek 2 sin in G3 zuun 2, kuanbawm 5, 7.62 kuan 150, kuan khamnak angki pakhat, cycle pakhat le adang thilri pawl an lak khawh tiah theih a si.
About The Author
