Chaung U ah SAC ralkap bom puah hnawh an tong, 14 an thi
The Chinland Post | 2022 August 11 – Sagaing ramṭhen, Chaung U peng August 10 ah SAC ralkap pawl bom puah hnawh an tong i 14 an thi tiah Chaung U PDF nih a thanh.
August 10 zinglei sml 6:35am ah Chaung U lentecelhnak certual le Se-Myaung zung ah hmunhma a khuarmi SAC ralkap cu JAMMER in ralkap 30 hrawng, ke in ralkap 15 tiah ralkap 45 hrawng Chaung U in Khinmon khua lei ah bomrap thianh ding in an chuak i Aungchiantha khua le Khinmon khua karlak ah bom puah hnawh an tong tiah theih a si.
SAC ralkap pawl cu Khinmon khua pawngah a ummi cinthlak dum pawngah bom puah hnawh an tong chap i SAC ralkap 14 an thi, tampi an i hliam tiah Chaung U PDF nih a thanh.
About The Author
