Chaung U Kahdohnak Ah SAC Ralkap 3 An Thi, PDF 3 An Nunnak A Liam Ve, Ayadaw Kahdohnak ah Pyusawhtee 19 An Thi, 20 An I Hliam
The Chinland Post | 2023 July 6 — Sagaing ramṭhen, Chaung U peng, Amyint palek sakhaan in a rak chuak mi SAC ralkap pawl an kah hna i SAC ralkap 3 an thi tiah Chuang U peng dothlennak phu CRA nih cathanh an chuah.
July 5 zinglei sml 3:00am hrawng ah Chaung U peng, Kangyikone pyusawhtee khuate le Kinmonhtaw pyusawhtee khua ah a um SAC ralkap, pyusawhtee pawl cu PDF phu pawl nih an kah hna. Cubantuk in kahdohnak a chuah lio ah Amyint palek sakhaan in bawmh ding ah a kal mi SAC ralkap Commando 30 hrawng he kahdohnak a chuak ṭhan tiah theih a si.
Kahdoh chung ah hriamtlai Ye Min Lwin nih hliam a tuar mi a hawile a va chanhnak hna ah hriamngan nih a tlak hna i an pathum ning in an nunnak a liam tiah theih a si.
Cubantuk in Sagaing ramṭhen, Ayadaw peng, Ngwedun khuate ah a um mi Pyusawhtee sakhaan an kah hna i SAC ralkap le pyusawhtee 19 an thi, 20 hliam an tuar i PDF chungtel 3 fak tuk lo in an i hliam tiah People’s Servant Revolution – Wetlet nih an thanh.
About The Author
