Chin community of Indiana (Chin Center) le Dr. Anna Sui Hluan Tonnak Kan Ngei_ Moses Lian

Chin Center le Dr. Anna Sui Hluan (Photo_Moses Lian)

Editor Cakuat by Moses Lian| July 10, 2019| The Chinland Post| July 05, 2019 ah, tulio kan kawlrampi a kan hruai liomi Dr. Henry Van Thio innchungnu nih US um Chin Center office ah caan pek in a kan len khawhmi cungah lawmnak chimhcawk lo kan ngei. Hibantuk in upat awkthlakmi, kan ram hruaitu hna nih nan kan lenmi kan hmuh tik ah kan lunghmui i upatnak zong kan in pek hna. Forhfialnak bia zong a kan ruah khawh. Hruaitu hna nih Positive thinking, optimism a ngeimi hruaitu si a herh ning hna a kan chimh.

Chin Center mileng he chonhbiak lio
Photo: Moses Lian

Bia a kan cahmi pawl hi kan i nunpi cio lai ka zumh. Mi nih kan chungah thil thalo an tuahmi kha lehrulh loin, thiltha tu kha hmailei ah kalpi ding asi ko a timi hrim nih thazang tampi a kan pek. Aa rual tein mikip a chawnhbiak khawhmi hna hmuhtik ahhin, nu/pa dirhmun ciammam an sinak a lang khun. Chin Community nih mipi caah kan tuanmi tete kong zong a kan hal. Kan lehmi tlawmpal in ka vun langhter. Hi kan tuahmi nih hin Chinmi hmunkhat ah um duhnak le i thlaihchanhnak a chuahpi. Cun kan paw cawmnak caah kan herhbikmi rian kan kawl piak hna. Cu tik ah chungkhar paw cawmnak tampi kan khawh hna. Chungkhar calawng silo in Chinram ah chungkhar siseh, Biaknak lei in siseh thazang tampi bawmhnak catiang in san a thlai tiah kan ruah.

Kum fatin Chin National Day kan tuahpi khawh hna. Indianapolis cu, US Chin City (Myodaw) ah kan tuah khawh tiah kan ruah. Kan mipi nih an tonmi harnak tete le Greencard le Citizenship caah a herhmi kan bawmh khawh hna. Kum fatin Mirang ca cawnnak(ESL) kan tuah piak khawh hna. Tu kum in cun Chin Thlaithar, Tho, Fang erh puai, Khua do puai tiah dangdang in kan rak tuah tonmi kha ( Chin Harvest Festival Day) tiah hmunkhat tein tuah khawhnak dingin timtuahnak nganpi zong kan ngeihnak kong kan chimh.

CCI ChinCenter office Manager Pu Moses Lian le Dr. Anna Sui Hluan

Chuncaw ei pah zong in ramkhel lei an rian tuannak tete tampi zong a kan ruah. Kawlrampi nubuu hruaitu dirhmun in Europe lei hna zong a kalpi khawh hna. Kawlram chung zong ah a mah hruainak in tuanvo tampi a ngeihmi zong asi. Kan pu/pa Dr. Henry (Jesse pa) nak hmanh in a rian hi a tam deuh hlah maw ti awk in a um vemi kan far/kan pi (Jesse nu) asi. Nusal tha taktak asi. Former President Bill Clinton zong kha an nu( Hilary Clinton) nih tampi a bwmh khawhmi bantuk kha a si ve hrim lai tiah ruahnak kan ngei. 2020 zongah an hmuhṭhan khawhnak ding caah, thlacamnak in bawmh philh hna hlah sih. Nan Miphun caah caan nan kan pekmi hi a lak kan siter hrim lai lo. Na kan cahmi bia kan philh hrim lai lo. Kan lawmtuk Bawipa nih damnak le nunkhua saunak in chap ko hna seh!
Moses Lian, Chin Community of Indiana, USA

Leave a Commnet

%d bloggers like this: