Kumli Chung Chinram Ah Sport Center Hmun 6 le Sianginn Certual 64 Sak Le Cawhpiak An Si

0

Salai Elvis| 2019 July 11| Chin ramkulh cozah thar (NLD) a kai hnu 2016 in 2019-2020 budget kum tiangah zaanglekcelhnak inn (Sport Center) hmun 6 ah an sak cang tiah Chin ramkulh zaanglekcelhnak zung cazin ning in kan theih.

Hi zaanglekcelhnak innpi (Sport Center) 6 saknak cu ramkomh le ramkulh budget in sakmi an si. Cu inn hna cu 2016-2017 kum ah Matupi (pe 120×90) ramkulh budget nuai 250, 2017-2018 kum ah Rezua khua ah sak a si i (pe 120×60) ramkulh budget nuai 140, 2018-2019 kum chungah Kanpetlet (pe 120×90) nuai 250, Thantlang (pe 120×90) nuai 250 mah hna khua hnih cu ramkomh budget in sakmi an si. 2018-2019 kum thiam ah Cikha khua (pe 120×90) nuai 250 ramkulh budget le 2019-2020 ramkulh budget thiam in Tedim khua (pe 120×90) nuai 250 dih in an sak hi a si.

Cu bantuk thiam in 2016 in 2019-2020 budget kum tiang kum li chungah Pumpululh chuihnak sianginn certual telh in certual hmun 64 an cawhpiak cang hna. Hi chungah Hakha peng ah hmun 8, Thantlang peng hmun 8, Falam peng hmun 8, Tedim peng hmun 9, Tonzang peng 11, Matupi peng hmun 12, Mindat peng hmun 2, Kanpetlet peng hmun 1 le Paletwa peng ah hmun 5 an si.

Chin ramkulh huap in hi kumli chung thiam ah zaanglekcelhnak lei a thimhlei tiin mi thim mi  37 an si. Hi chungah Kawlram pi huap, ramthen le ramkulh zuamnak chungah laksawng hmuh mi (Sui, Ngun, Ce tibantuk) tlawmtam an hmuh ning cu  2016-2017 kum ah (level) 15nak, 2017-2018 kum ah 14nak le 2018-2019 kum ah 13nak tiin thiamnak lei ah a thangcho deuh tiin an cazin chung a langhter ningin theih khawh a si.

(Ref: Chin Sport)

About The Author

Na ruahning rak langhter ve.. (Leave a comment)

%d bloggers like this: