Chin Ram Ah Kala Minung Pahnih Nih Chin Pa Tangkaa Hramhram In An Chuah Piak
TCP-Online| 2018 March 11| Chin ramkulh Hrianghnang khua le Tlang khua kar ah Chin pa pakhat cu mizei theihlo kala minung pahnih nih hramhram in a tangkaa an chuah piak ti thawng kan theih.
March 8 ni khan Falam peng Hrianghnag khua le Thantlang peng Tlang khua kar ah Tlangval Mang Uk Lal cu mizei theihlo Kala minung pahnih nih a tangkaa bawmh lakpiak in a ngeihchun tangkaa cu hramhram in an lakpiakmi a si.
Tlangval Mang Uk Lal nih a chim ning ah, “March ni 8 ni ah Hrianghnang in Tlang khua lei ka kal lioah Kala misual minung pahnih nih lam an ka kham. An kut ah namte pakhat veve an i hum. Kawl holh zong an thiam lo, anmah kala holh cun rawleinak tangkaa kan pek an ka ti. Malaysia rak um balmi ka si caah an holh cu tlawmpal ka theih ve. Kut veih pah in kan i chawn. Ka tangkaa bawm an lak i a chung i tangkaa Kyats 10000 (thonghra) cu an ka lakpiak. Cun tihang le meh ka phurhmi zong an ka lakpiak dih” tiah a chim.
Hi kala misual pahnih cu Chin ram ah zeitin an van luh zong theih an si lo i Rohinya an si le India lei in a van rami Kala an si zong theih an si lo.
Ref:The Chin Times (Falam)
About The Author
