Chin ramkulh ah voi 184 an i kap, Kawl ralkap 1029 an thi: CJDC
Post Staff – 2022 January 26 — Chin ramkulh chung ah miphun hriamtlai phu Chinland Joint Defense Committee (CJDC) tang ummi phu le Kawl ralkap karlak ah kum khat chung ah kahdohnak voi 184 tluk a chuak tiah theih a si.
CJDC nih cathanh a chuahning ah, 2021 April 21 in December 31 tiang ah CJDC chungtel le Kawl ralkap kahdohnak voi 180 a chuakmi ah mipi 27, miphun ralkap 58 le Kawl Ralkap in 1029 an thi tiah a thanh.
Hi bantuk kahdohnak chung ahhin CJDC chungtel ralkap 58 nih ram caah an nunnak an pek i May le June 14 an thi i, July lawng ah 15 an thi. Cun, Kawl ralkap lei 1,029 an thi i June ah 124, September ah 186, October ah 143 le November ah 229 tiah thlali chung ah a zaa leng in an thi tiah CJDC cathanh in kan theih. [Hi kong ah Chinland Post nih a dangte in fehter khawhnak kan ngei lo.]
2021 February 1 thok in Min Aung Hlaing le a phu pawl nih hramhram in uknak an lak hnu ah Chin miphun nih rulrulhranghrang uknak kan duh lonak kong, tlukruannak a um mi Federal Ramkomh kan duh tiah remdai tein lam cung zawh in duh lonnak rak langhter a si. Culawng si loin, hramhram in uknak a laatu phu nih mipi kha humhimnak pek si loin, tlaihkhih, tukvelhnak le thahnawnnak hna minung thinlung ngei lo in an rak tuah. Cu bantuk rianṭuannak pawl khamh khawhnak caah ti in khuapi le pengtlang kip ah hriamtlai phu rak dirh a si.
Chin ramkulh chung ah, 2021 April in kahdohnak a rak chuak. Cu nithla thok in 2021 December thla 31 tiang ah a chuak mi raltuknak a zaat hi a tanglei bantuk in CJDC nih an rak langhter:
About The Author
