Chin Ramkulh Ca Hmuhmi Budget Cheu Leng Cu Hlei Tuahnak Ah Kan Hman: CM Salai Lian Luai

TCP-Online| 2018 February 25| Chin ramkulh i 2017-18 tangkaa kum ah hmuhmi Budget chung in a cheu leng cu hlei tuahnak ah hman an si tiah Chin ramkulh Chief Minister Salai Lian Luai nih a chim.

2017-18 kum ah Chin ramkulh ca ramkomh cozah nih Budget nuai 127808.406 an pek hna i cu chung in 68395.937 cu Chin ram chung hlei tuahnak ah hman an si dih tikah ramkulh Budget in 55.12% cu hlei ser/remh nakah hman a si tiah CM Salai Lian Luai nih a chim.

 

“Ramkulh ca tangkaa hmuhnak bik simi Kalay-Tedim-Rih (Ramri) lei cu papek in ka tuah lo. Kan tuah bikmi cu Hakha khualipi a pehtlai kho dingmi a si. Ramkulh ca bawmhnak a kan pemi hna duh ning in rian tuan a hau” CM Salai Lian Luai nih a chim.

2017-18 tangkaa kum ah ramkomh cozah nih Chin ram cozah sin a pekmi chung in Kyats nuai 14329.992 cu khua kip hunchonak ca, 11436.481 cu Electric mei hmuh khawhnak ca le 9506.697 cu sipin lei tete hna ah phawtzamh in hmanh an sinak kong Chin ramkulh cozah sinin theih a si.

Ref: The Voice

Na ruahning rak langhter ve.. (Leave a comment)

%d bloggers like this: