May 24, 2024

TABC Khawmpi Ah Khual Lian In Dr. Lian Hmung Sakhong An Sawm

0

Salai Elvis| 2018 February 25| Avoi 45nak TABC (Thantlang Association Baptist Churches) BM meeting le khawmpi Thlangrua (B) tuahmi ah khuallian in Dr. Lian Hmung Sakhong le hlasatu ah Hniang Sung Chin an sawm hna tiah thawng kan theih.

“Tutan ah a bik in khuallian in kan sawmmi taktak cu Dr. Lian Hmung Sakhong hi a si ko. Amah nih an kan cawmpiak thawngtha an kan chimh i kan i lunghmuih ngai. Hlasatu ah Hniang Sung Chin le Mizoram in Sangau hlaremh bu hna nih an kan telpi mi cungah tutan kan civui pi a nuamh khunnak cu a si. Tutan kan civui tlangtar zong ‘Pathian Duhmi Thlennak’ ti a si i kanmah TABC zong kan i thleng ngaingai” tiah TABC G.S Rev. Dr. Za That nih TCP ah a chim.

Photo: The Chinland Post
Photo: The Chinland Post

Tutan TABC khawmpi an tlangtar cu ‘ Pathian Duhmi Thlennak’ ( Rom 12:2, II Cor 5:17, Matt 9:16-17) a si. Tutan ah khual a tlung khomi 1136 hrawng an si, anmah khuami hi an zapi minung 1400 renglo an si. Hlaremh zuamnak zong TBC, JMBC, TCBC, Tlangrua (A) lawng an i zuam kho.

2019 kum avoi 46nak TABC khawmpi cu Zahnaktlang Thangzang khuathar ah February 21-24 tiang tuah a si than lai tiah theih a si.

About The Author

Na ruahning rak langhter ve.. (Leave a comment)

%d bloggers like this: